Мақомоти Русия мегӯянд, ки соли 2024 ба ин кишвар бештар аз 6 миллиону 300 ҳазор муҳоҷир омадааст ва аксарияти онҳо аз Ӯзбекистону Тоҷикистон ва Қирғизистон будаанд.

Юрий Коков, муовини дабири Шурои амнияти миллии Русия дар мусоҳибае бо нашрияи “Российская газета” гуфтааст, ки бо вуҷуди муҳим будани кори хориҷиён дар Русия онҳо барои кишвар “хатарҳоеро ҳам барои амният ба вуҷуд меоранд”.

Ҳамчунин, Коков гуфтааст, ки соли 2024 дар кишвар 700 000 муҳоҷири ғайриқонуниро ошкор карда, 152 ҳазор нафарро аз Русия берун рондаанд.