Видеое, ки дар шабакаҳои иҷтимоӣ давр мезанад, овози Барон шунида мешавад, ки мегӯяд: “Хаёл кардӣ, ки ма тура намеёбам ҳъ”, ки дар рӯ ба рӯи Абдурозиқ нишастааст.

Беҳрӯз Шарифӣ, бо тахаллуси Барон машҳур аст ва ӯ  яке аз рэпсаро ва продюсери ҷавони тоҷик аст, ки як рӯз пеш аз сафараш ба Дубай хабар додааст ва баробари расидан ба Имороти Муттаҳидаи Араб видеоеро ҳамроҳ бо дастпарвараш Абдурозиқ нашр кардааст.

Ин дар ҳолест, ки Барон ва Абдурозиқ моҳи ноябри соли 2021 бо ҷанҷол ва баҳсҳои зиёд аз якдигар ҷудо шуда буданд, дар як ошхона нишастаанду бо ҳам шӯхию ханда мекунанд.

Аз суҳбати онҳо бар меояд, ки онҳо баъди нуҳ моҳи қаҳру ҷудоӣ ҳамдигарро бахшиданду бо хушнудӣ суҳбат доранд. Вале дар ин бора Барон чизе тафсилот надодааст ва зери видео навиштааст, ки “Ира тамошо кадан гиред, пагоҳ мегумтон чӣ гапай!”.

Бисёриҳо аз шунидани хабари оштии Барону Абдурозиқ изҳори хушнидӣ карда бошанд ҳам, вале аксри онҳо инро хуш қабул накардаанд.