Ассалому алайкум бародарону апаҳои азиз. Ба наздикӣ волидонам розигии маро напурсида, бо як духтари хеши дурамон оиладор карданд.
Ман танҳо рӯзи тӯй духтарро дидаму дилам таҳ кашид. Арӯс тамоман ба ман писанд наомад, вале хотири падару модар хомӯш будам. Баъдтар арӯс нақл кард, ки дар наврасияш бо чӣ сабабе худсӯзӣ карданӣ шуда, ними баданаш сӯхтааст. Ростӣ, дигар ба ӯ наздик шуда натавонистам. Аз фикру андешаи зиёд касалӣ шудам. Волидонам маро маҷбурӣ ба назди домуллоҳо дуохонӣ мебаранд, хаёл доранд, ки байни ману арӯс банд афтидааст.
Намедонам чӣ гуна ба модарам рости гапро гӯям. Шумо чӣ маслиҳат медиҳед?
