Сокини Англия аз рӯи истеъмоли миқдори бештари наггетсҳои мурғӣ рекорди ҷаҳонӣ ба даст овард.
Лия Шуткевер дар давоми 60 сония 19 наггетсро хӯрда, дастоварди пештараро дар ин самт бе кор намуд. Бояд қайд намуд, ки ин аввалин дастоварди бону нест. Лия то ин замон 27 рекорди ҷаҳонии Гиннесро ба даст овардааст. Тавре бону Шуткевер иқрор шудааст, ӯ мақсади истеъмол намудани 20 дона наггетсро доштааст, вале охиринашро фурӯ бурда натавонистааст. Аз он ки нияти худро пурра амалӣ карда натавонист, руҳафтода шуда бошад ҳам, аз дастоварди худ меболад.
