Alif Intiqol
ПАДАР ФАРЗАНДАШРО КОРД ЗАД, ВАЗИР ТАБОБАТ МЕКУНАД
1744


Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон ба аёдати Мавзунахони 8 сола, ки дар пайи муноқишаи оилавӣ ҷарроҳат бардошта буд, ба шаҳри Хуҷанд рафт.


“Шоми 5-уми октябр вазири тандурустӣ бо рафти табобати марзи хурдакак ошно гашта, дар боби хизматрасониҳои тиббӣ ба ҷабрдида ба масъулин дастуру супоришҳои мушаххас дод,”- менависад сомонаи вазорати тандурустӣ ва ҳифзи иҷтимоии аҳолии Тоҷикистон.

Айни замон вазъи саломатии Мавзунахони 8-сола муътадил буда, зери назорати махсуси табибон қарор дорад.

Ҷамолиддин Абдуллозода бо Мавзунахони 8-сола сӯҳбат намуда, таъкид дошт, ки табобати ин духтарчаи хурдсол пурра аз ҷониби Вазорати тандурустӣ ва ҳифзи иҷтимоии аҳолии кишвар ройгон ба роҳ монда хоҳад шуд.


Ёдрас мешавем, ки шаби 1 ба 2-и октябр дар рафти моҷарои оилавӣ устоди Донишкадаи кӯҳиву металлургии шаҳри Бӯстон, Мансур Мирзоахмедов бо корд ба аҳли хонавоааш ҳамла намуда, дар сари қаҳру ғазаб аввал духтари 11-солаашро ба ҳалокат расонида, сипас ҳамсар ва духтарчаи 8-солааш Мавзунахонро корд зада буд. Духтарча ва модараш ҷарроҳатҳои вазнини ҷисмонӣ бардошта, дар беморхона таҳти табобат ва назорати табибон қарор доранд.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД