Ба иттилои Китоби рекордҳои “Гиннес”, Эдит Мурвӣ-Трейн, ки 8-уми август 100-сола шуд, кӯҳансолтарин пауэрлифтингчӣ (як навъи варзиш) дар ҷаҳон мебошад.
Ин пиразан ба солхӯрдагиаш нигоҳ накарда, штангаҳои вазнашон аз 18 то 68 килоро бардошта метавонад. Ӯ бори охир соли 2019 баромад карда буд ва ду сол мешавад, ки бинобар паҳн шудани COVID-19 баромад намекунад. Эдит 91 сол дошт, ки ба варзиш рӯ овард ва боварӣ дорад, ки соҳиби ҷоизаҳои зиёд мешавад. Ӯ дар гузашта ба ҳайси устоди рақс кор кардааст.
