Маҳсулоти лозима:
600 грамм қандина (печенье), 200 мл шир, 500 грамм фалла, 100 грамм равғани маска, 150 грамм шакар, 50 грамм сметана, шоколад, 2 банан.
Тарзи таҳия:
Фалла (творог), равғани маска, шакару сметанаро лат занед. Қуттии қандина (печенье)-ро кушода, ҳар кадомашро дар шир тар карда, ба даруни қолаб ё табақ гузореду ба ҳар қабати тунукшуда аввал малҳами фаллагинро молида, баъдан банани резашударо чинед. Ҳамин тавр, тортро қабат ба қабат чида, мувофиқи табъи худ оро диҳед.
