Бо дастури Пешвои миллат, мӯҳтарам Эмомалӣ Раҳмон барои осебдидагони заминларзаи шадид дар Сурия 55 тонна кӯмаки башардӯстона фиристода мешавад.

Дар ин бора Кумитаи ҳолатҳои фавқуллода ва мудофиаи граждании Тоҷикистон хабар додааст.

Ба иттилоъи манбаъ, ин кӯмакҳои башардӯстона аз орд, равған, биринҷ, макарон, қанд ва дигар маҳсулоти ниёзи аввал иборат буда, ҳамчунин барои зарардидагони зилзила сару либоси гарм, ниқобҳои муҳофизатӣ ва маводҳои антисептикӣ фиристода мешавад.