Сӯхтор дар кӯчаи Армуғон
Дирӯз, 25 феврал дар кӯчаи Армуғони ноҳияи Синои шаҳри Душанбе дар як анбори молу маҳсулоти шишагӣ сӯхтори шадид сар зада, 180 метри мураббаъро фаро гирифтааст.Дар ин бора Сарраёсати хадамоти оташнишонии ВКД хабар додааст.
Гуфта мешавад, ки анбори оташгирифта ба Шуҳрат Назаров тааллуқ дошта, оташсӯзӣ пас аз як соати сар задани сӯхтор хомӯш карда шудааст. Амволи аз сӯхтор эмин монда 2,5 миллион сомониро ташкил медиҳад. Сабаби сар задани сӯхтор маълум нест.
