Шиноварӣ аз ҷумлаи фоиданоктарин намуди фаъолияти ҷисмонӣ барои саломатии инсон ба шумор меравад.
Ин андешаро куҳансолтарин чемпион оид ба шиноварӣ Мейко Нагаокаи ҷопонӣ (1914-1921) бори дигар тасдиқ кард.
Ӯ дар синни 100-солагӣ масофаи 1500 метрро дар ҳавзи 25-метра (1 соату 25 дақиқа) тай карда, рекорд гузошт. Аҷиб, ки Мейко дар 82-солагӣ ба шиноварӣ шуруъ кардааст.
Тибқи тавсияи табибон, ҳадафи аслии хонум он вақт коҳиш додани дарди зонуҳо ва мустаҳкам кардани буғумҳо буд, на варзиш.
Вале бо гузашти чанд муддат ӯ мафтуни ин машғулият шуд. Зан дар 90-солагӣ дар масофаи 800 метр (тарзи озод) рекорди ҷаҳонӣ гузошта, дар Ҷопон эътирофи миллӣ ба даст овард.
