Alif Intiqol
ПАДАР ФАВТИДУ ПИСАРИ 18-СОЛААШ ЗАХМӢ ШУД
2532


Бар асари чаппа шудани трактор ба ҷарии 50 - 60 метр дар яке аз деҳаҳои ноҳияи Данғара, ронанда - падари 56 - сола ҷон бохту фарзанди ӯ сахт маҷрӯҳ шуд.

Ба иттилои ин ниҳод,рӯзи 11-уми октябр, тахминан соати 22:00 дар роҳи автомобилгарди "Темурмалик - Данғара" як трактор ба ҷарӣ чаппа шуд, ки дар натиҷа як хонаводаи маҳаллиро ғамзада кард.

"Ронандаи трактори тамғаи "ЮМЗ", бе рақами қайди давлатӣ, Наботов Маҳмадшарифи 56 - сола, сокини ҷамоати деҳоти Танобчии ноҳияи Темурмалик ҳангоми ҳаракат дар роҳи автомобилгарди "Темурмалик-Данғара", дар ҳудуди ҷамоати деҳоти И.Шарифови ноҳияи Данғара аз уҳдаи идораи воситаи нақлиёт набаромада, автомашинаро дар чуқурии 50-60 метр чаппа кардааст", таъкид мешавад дар хабар.
Дар ҳамин ҳол, худи ронанда ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Ҳамчунин мусофираш, фарзанди 18 - солаи ӯ, Наботов Муҳаммад Маҳмадшарифович ҷароҳати ҷисмонӣ бардошта, дар беморхона бистарӣ гардидааст. Аз рӯи ҳодисаи мазкур таҳқиқот идома дорад.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД