Довталабони Тоҷикистон барои ширкат дар Олимпиадаи эҷодӣ, ки дар Федератсияи Россия баргузор мегардад, даъват карда мешаванд. Дар ин бора Русский дом дар Душанбе хабар дод.

Бино ба иттилои манбаъ Донишгоҳи давлатии технологияҳои саноатӣ ва дизайни Санкт-Петербург дар бораи оғози олимпиада аз рӯи маҷмӯи фанҳои “Фарҳанг ва санъат” эълон мекунад. Олимпиада ду маҷмӯи фанҳоро дар бар мегирад, ки шумо метавонед дар як вақт дар онҳо иштирок кунед:

- Расми академӣ, наққошӣ, композитсия, таърихи санъат ва фарҳанг;

- Расми техникӣ ва композитсияи ороишӣ. Довталабон метавонанд барои сабти ном ба линки зер: https://olimp.prouniver.ru/reg/ ворид шаванд. Тафсилоти бештарро оид ба олимпиада дар линки мазкур пайдо карда метавонед: https://olimp.prouniver.ru/about/