Як корбари фаъоли сомонаи Фейсбук хабар додааст, ки дирӯз тақрибан соатҳои 10:00 дар ноҳияи Фирдавсӣ(46 мкр), кӯчаи Н. Қарабоев ду нафар бо роҳи маҷбурӣ дасту пойҳои як нафари дигарро, ки пойҳояш ба зан шабеҳият дорад, баста, ба мошин бо зӯрӣ бор мекунанд.

 Ин корбари фейсбук рафти одамрабоиро дар телефони мобилиаш сабт карда, дар саҳифаи шахсияш гузоштааст. Дар навор дида мешавад, ки чӣ гуна ду нафар дасту пойҳои нафари дигарро баста ба мошини тамғаи “Опел-Астра” бор мекунанд.

Рақамҳои мошини одамдуздҳо - Opel Astra F 9665 ЕА мебошад.
Аз нафароне, ки ин мошинро дар ҷое дидаанд, хоҳиш карда мешавад, ки ба мақомотҳои дахлдор хабар диҳанд.