НОМИ ДУХТАРОНА
Номномаи Исломӣ | Номҳои духтарона бо ҳарфи "Т"
615
0

– Т –

     ТАБАССУМ -  تبسم нимханда, лабханд

     ТАВОНДУХТ تواندخت духтари қудратманд ва пурзӯр.

     ТАВҲИДА -  توحیده Худои якаву ягонаро парастанда

     ТАЙЙИБА а. طییبه 1. муаннаси таййиб; ба маънии пок ва покиза («Амид»); ҳалол («Деҳхудо», «Амид»); покиза шудан; 

2. майл («Амид»); 

3. хушии табъ («Амид»); 

4. раво («Амид», «Деҳхудо»); 

5. шароби софӣ ва холиси он («Мунтаҳо», «Деҳхудо»); 

6. маҷ. ҳалол шудан («Fиёс», «Онандроҷ», «Деҳхудо»); 

7. хушбӯй шудан; 

8. номи Замзам бошад; 

9. номи Мадинаи мунаввара ҳам ҳаст; 

ТАМАННО а. تمنا 1. хоҳиш, орзу, умед, илтимос («ФЗТ»); ҳавас («Ф.Ҷомӣ»); орзу кардан («Fиёс»); 

2. дар асл ба охири ин лафз «ё»-и таҳтонист, магар форсиён ба алиф нависанд ва хонанд; ва ин тасарруф навъе аз тафрис аст; ва дар «Баҳори Аҷам» навишта, ки таманно ба лафзи доштан ва кардан ва пухтан ва бастан мустаъмал аст. («Fиёс»)

   ТАНВИРА - تنویره равшанкунанда, мунавваргардонанда

    ТАРОНА ترانه 1. суруд («ФЗТ», «Ф.Ҷомӣ»); .

2. дубайтӣ («ФЗТ», «Муъин», «Л.фурс», «Бурҳон», «Сиҳоҳ», «Фарҳанги Рашидӣ»); рубоӣ («Fиёс», «Анҷуманоро», «Онандроҷ», «Нозим»); аз ақсоми шеър аст, ки дорои чаҳор мисраъ аст; дар мисраи аввал ва дувум ва чаҳорум қофия аст ва дар севум лозим нест, баъзе гӯянд, дар мисраи севум ҳам бояд қофия бошад ва илло ҳамон дубайтӣ ва рубоист («Ф.Низом», «Деҳхудо»); 

3. тару тоза («Муъин»); ҷавон, тоза; 

4. зеборӯй («Муъин»); зеборухсор, соҳибҷамол ва ҷамил; 

5. ҷавони хушсурат («Фарҳехта», «Дурҷ»); шоҳиди тару тоза ва соҳиби ҷамол («Бурҳон», «Нозим», «Анҷуманоро», «Онандроҷ»); ҷавони хушсурат ва соҳибкамол («Фарҳанги Ҷаҳонгирӣ»); ҷавони хушгил («Ф.Низом», «Деҳхудо»);

    ТАСКИНА -  تسكینھ оромкунанда, тасаллодеҳ, дилбардор

    ТАҲСИНА -  تحسینھ таъриф, офарингӯӣ, некӯ гуфтан

    ТАҲМИНА تهمینه номи духтари шоҳи Самангон, ҳамсари Рустами Достон («ФНЭ»);

    ТАШРИФА -  تشریفھ бузург доштан, бузургқадр гардонидан

    ТАЪРИФА -  تعریفھ ситоиш, таҳсин; шиносондан, огоҳонидан

    ТОБАНДА تابنده дурахшон, нуронӣ, нурпош, дурахшанда; номи зебост барои занон.

ТОБОН تابان 1. тобанда, дурахшон, рӯшноидиҳанда («Амид»); равшан, барроқ («Фарҳехта», «Дурҷ»); фурӯзон («Ф.Ҷомӣ», «ФЗТ», «Муъин»); тобидан ва тофтан («Онандроҷ»); сифати мушаббаҳа аз масдари тобидан ба маънии равшанидиҳанда ва ҷилодор («Ф.Низом», «Деҳхудо»); равшан, гармобахш («Зебоном»);

2. зани зебо, маъшуқаи ниҳоят соҳибҷамол, дилбари сапедчеҳра.

ТОБОНЧЕҲР تابانچهر дорои чеҳраҳои тобон ва равшан («Зебоном»); соҳиби рухсори равшан, зеборухсор ва ҷамил.

ТОБОНМЕҲР تابانمهر ниг. тобон.

     ТОВУС - طاوس як навъ парандаи хеле зебо

     ТОЛИБА - طالبھ хоҳон, талабгор, донишҷӯй

     ТОНИЁ تانیا меҳрубон, соҳиби муҳаббат ва меҳрварзанда; аз асмои ориёист.

ТОНУҶӢ تانوجی меҳри зиндагӣ, дӯстдори зиндагӣ («Зебоном»).

    ТОҲИРА - طاھر пок аз айбу нуқс ва наҷосат, покиза

    ТОҶУННИСО -تاج النسا тоҷи занон, беҳтарини занон

    ТӮРОНДУХТ توراندخت 1. духтари тавонманд ва пурқудрат;

2. духтаре, ки аз Тӯрон бошад; 

3. духтари Хусрави Парвиз, ки баъд аз Шерӯя ба тахти шоҳӣ нишаст («ФНЭ»).

ТӮТӢ طوطی парандаи зебо ва хушовоз; дар номгузории тоҷикӣ дар шакли мураккаби Тӯтинисо ва назири он дучор мешавад.

    ТӮҲФА - تحفھ ҳадя, бахшиш, раҳовард, савғо

Хабарҳо дар шабакаҳои иҷтимоӣ:
Шарҳ
(0)
ҲАНУЗ ШАРҲ НЕСТ
Шарҳ