Яке аз аввалин мақомотҳои фасодзадатарин дар Тоҷикистон инҳоянд: низоми бонкӣ, тандурустӣ ва маориф.
Агентии назорати молиявӣ ва мубориза бо коррупсия дар Тоҷикистон гуфт, ки дар кадом мақомоти давлатӣ бештар қонуншиканӣ ошкор шудааст.
Дар маҷмӯъ, соли 2020, ин ниҳод беш аз 2 ҳазор қонуншиканӣ, ҷиноятҳои андоз ва иқтисодиро ошкор кардааст.
Тибқи маълумот дар бораи вазъи ҷиноӣ дар ҷумҳурӣ, аксари ҷиноятҳои коррупсионӣ аз ҷониби шахсони мансабдори мақомоти худидоракунии маҳаллӣ дар як соли охир ба қайд гирифта шудаанд - тақрибан 177 парванда.
Дар ҷои дуюм аз рӯи шумораи ҷиноятҳо низоми бонкӣ будааст, ки дар он 168 далели ҷиноятҳои иқтисодӣ якбора ошкор карда шуданд.
Дар зинаи сеюм бо 136 далел соҳаи маориф ва илм қарор гирифтааст.
Дар низоми тандурустӣ ва ҳифзи иҷтимоӣ 104 ҳолати ҷиноятҳои ошкоршуда ба қайд гирифта шуданд.
Ба иттилои агнетӣ теъдоди ҷиноёти ошкоршуда дар соҳаи кишоварзӣ - 101 ҳолати, ҳифзи иҷтимоӣ - 104 ҳолат, инчунин 66 ҷиноят дар системаи меҳнат, муҳоҷират ва шуғли аҳолӣ мебошад.
Шумораи ҷиноятҳои сабтшудаи коррупсионӣ инчунин дар Кумитаи идораи замин ва геодезиро 99-то сабт шудааст.
Илова бар ин, дар субъектҳои хоҷагии ғайридавлатӣ ва соҳибкорони инфиродӣ зиёда аз 800 амали хусусияти коррупсионидошта сабт шудааст.
Агентии мубориза бо коррупсия гуфт, ки тайи як соли охир дар кишвар хисорот ба маблағи 348,8 миллион сомонӣ (30,6 миллион доллар) ошкор шудааст.
Аммо Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-майори адлия Султонзода Сулаймон Саид дар баробари ниҳодҳои фасодзадатарин кишвар низоми ҳуқуқро номбар накарданд. Дар ин ҷо савол ба миён меояд, ки наход дар низоми ҳуқуқ порагирӣ нисбат ба мақомоти бонкӣ, тандурустӣ ва маориф камтар бошад?
