Як гурӯҳ депутатҳои Думаи давлатии Россия бо сарварии Леонид Слутский пешниҳод кардаанд, ки муҳоҷирони меҳнатӣ ҳар сол ба таври ҳатмӣ аз ташхиси ВИЧ-СПИД ва нашъамандӣ гузаронида шаванд.

Айни замон шаҳрвандони хориҷӣ дар Россия танҳо як бор ҳангоми пешниҳод кардани ҳуҷҷатҳои худ аз ташхиси тиббӣ мегузаранд, вале дар сурати қабул шудани пешниҳоди Слутский ва ҷонибдоронаш онҳо муваззаф гардонида мешаванд, ки ҳар сол аз ташхиси тиббӣ гузаранд.

Муаллифони лоиҳа мегӯянд, ки андешидани чунин тадбир ба хотири пешгирии бемориҳои сироятӣ ва паҳншавии нашъамандӣ зарур аст.