Маҳсулоти лозима:

1 стакон об, 100 г равғани маска ё маргарин, 1 стакон орд, 4–5 дона тухм. Барои малҳам: 200 г равғани маска, какао мувофиқи табъ, 1 қуттӣ ширқиём.

Тарзи таҳия:

Обу равғанро дар зарфе то ҷӯшидан расонед. Ба он кам-кам ордро илова карда, кофта истед. Зарфро аз рӯи оташ гирифта, каме хунук кунонед. Тухмҳоро яктогӣ илова карда, ҳар дафъа бо миксер лат занед. Тафдонро ба ҳарорати 175 дараҷа тасфонида, ба лаълии тафдон равған молед ва як қошуқӣ аз хамир рӯи лаълӣ гузоред. Баъди пухтани кулчақанд ва сард шуданаш, маҳсулоти малҳамро лат зада, дохили онро пур кунед.
⠀