Комилҷон Зарипов, сарояндаи ҷавону хушовоз, писари Ҳунарманди шоистаи Тоҷикистон Қобилҷон Зарипов, ду рӯз қабл дар ютуб-саҳифаи “ Panjsher media” таронаи нави худро бо номи “Шабҳо“ пешкаши мухлисонаш гардонид.

Ин клиптаронаро дар ду шабонарӯз зиёда аз 40 000 нафар тамошо кардаанд. Дар клип нақшҳоро ҳунарпеша Савригул Қурбонова, блогерон Дилшод Шарипов, Маликабону ва худи сароянда (дар ду образ) офаридаанд.

Комилҷон Зарипов зимни сӯҳбат бо сомонаи “Оила” қайд кард, ки идеяи клип ва сабту танзими он ба Аслиддин Раҳматиллоев тааллуқ дошта, он дар манзараҳои ноҳияи Шаҳринав сабт гардидааст.