Дар ИМА аввалин китоби Гарри Потерро дар музояда бо нархи ним миллион доллар фурӯхтанд. Нархи як китоб 471 ҳазор долларро дар бар гирифт, ин нархнома барои шоҳасари асри бист рекордӣ ба шумор меравад. Китоби мазкурро коллексионери амрикоӣ ба савдо гузошт, он соли 1997 дар Бритониё ба табъ расида буд. Он замон бо чунин муқова ҳамагӣ 500 ҳазор нусхаи китоби мазкур чоп шуда буд. Замони нашр шуданаш китоб 10, 99 фунт арзиш дошт. Дар маҷмуъ, нависандаи бритонӣ Ҷоан Роулинг дар бораи писараки афсунгар ҳафт китоб навиштааст ва он ба 80 забон тарҷума гардидааст. Китобҳо бо тиражи 500 миллион нусха фурӯхта шуда буданд.
