Вайроншавии оила, бо се-чор фарзанд дар чорсӯйи зиндагӣ танҳою зор ва бе муттако мондани зан, бекорӣ, бепулӣ, бесарпаноҳӣ ва оҷиз мондан дар пешорӯи мушкилоти зиндагӣ гоҳо занонро то дами марг мебарад.

Меҳмони аввалини бахши «Ниқоб»-и сомонаи Оила» занест, ки ҳамагӣ чанд рӯз қабл бо мақсади худкушӣ якбора 42 дору хӯрдааст. Табибон бо талошҳои зиёд ин занро аз панҷаи марг наҷот доданд, вале ба қавли худаш дар чанд лаҳзаи байни маргу зиндагӣ қарор доштанаш ӯ азоби ҷонкоҳи маргро дар ҷисми хеш эҳсос кардааст ва мегӯяд: «Худкушӣ дар назар осон менамояд, аммо дар асл мурдан осон нест...»

Беҳтараш биёед сабаби даст ба худкушӣ задани ин зан ва достгони зиндагии пурдардашро аз забони худаш мешунавем.