Вазни зиёдатӣ барои ҷомеаи муосир мушкили ҷиддӣ ба шумор меравад. Муҳаммад аз ҷумлаи кӯдакони пурхӯре аст, ки дар синни 10-солагӣ қариб 200 кг вазн дорад.

Тавре волидонаш мегӯянд, писарашон хӯроки чанд марди баркамолро дар як нишаст тановул мекунад. Муҳаммад дар синни 2-солагияш 2 литр шир менӯшидааст ва ҳатто сер нашуда, гиря мекардааст. Дар синни 6-солагияш бошад, аллакай 95 кг вазн доштааст. Бо сабаби он ки кӯдак дигар роҳ гашта наметавонад, ягон бор ба мактаб нарафтааст. Айни замон Муҳаммад таҳти назорати табибон қарор дорад ва рӯзҳои наздик бояд ҷарроҳӣ шавад.