Олимони Донишгоҳи Вандербилт муайян карданд, ки бастани гени TCL1A метавонад инкишофи саратони хунро дар вуҷуди одамони солхӯрда пешгирӣ кунад. Натиҷаҳои таҳқиқот дар маҷаллаи “Nature” нашр шудаанд.

Олимон бо истифода аз маълумоти беш аз 5000 нафар генеро муайян карданд, ки барои идентификатсияи ген масъул аст ва он боиси тақсимоти ҳуҷайраҳои хун мегардад. Доруҳое, ки гени TCL1A-ро ҳадаф қарор медиҳанд, метавонанд афзоиши ҳуҷайраҳои саратонро ҷилавгирӣ кунанд.

Муаллифон қайд карданд, ки бо мурури синну сол ҳуҷайраҳои тақсимшававанда дар бадан мутатсия ба даст меоранд. Аксари ин мутатсияҳо безараранд, аммо зиёда аз 10 фоизи одамони солхӯрда дар ҳуҷайраҳои бунёдии хун мутатсия пайдо мекунанд, ки метавонанд боиси гирифторӣ ба саратони хун ва бемориҳои дил шаванд.

Инчунин, маълум шуд, баъзе одамон дар ин ген мутатсияе доранд, ки аз фаъол шудани TCL1A пешгирӣ мекунад ва онҳоро аз саратони хун муҳофизат мекунад.