Дар асоси қарори Раиси шаҳри Душанбе муҳтарам Рустами Эмомалӣ дар пойтахти кишварамон Мусобиқаи байналмилалии Гран-Слам оид ба гӯштини ҷудо баргузор хоҳад гашт.

Бино ба иттилои шаҳрдорӣ, баргузории мусобиқаи байналмилалии Гран-Слам аз 2 то 4-уми майи соли 2025 дар назар дошта шудааст. Ин чорабинии бонуфузи варзишӣ дар Муассисаи давлатии «Қасри теннис ва маҷмааи варзиши обӣ»-и Мақомоти иҷроияи ҳокимияти давлатии шаҳри Душанбе мегузарад.

Ҳадаф аз баргузории мусобиқа ташвиқи тарзи ҳаёти солим дар байни мардум, махсусан ҷавонон ва солимтар гардонидани ҷомеа мебошад.