Дар пойтахти кишварамон шаҳри Душанбе санаи 21-уми октябр ҷашнвораи байналмилалии театрҳои лӯхтак бо номи “Чодари хаёл” оғоз ёфт, ки то 26-уми октябр идома хоҳад кард.

Дар ҷашнвора театрҳои лӯхтаки Тоҷикистон, Ӯзбекистон, Русия, Қазоқистон ва Туркманистон ширкат варзида, намоишномаҳои афсонавии худро ба тамошобинони наврас пешкаш менамоянд. Аз ҷумла, 22-юми октябр, соати 14:00 Театри давлатии лӯхтаки шаҳри Бӯстон намоишномаи “Шоҳзодаи ҷодушуда"-ро манзури тамошобинони хурдсол намуд.

Пагоҳ, 23-юми октябр, соати 10:00 хурдтаракон намоишномаи “Қиссаҳои қадим”-и Театри давлатии лӯхтаки Туркманистонро тамошо карда, ҳамчунин соати 14:00 намоишномаи театри лухтаки шаҳри Бохтар бо номи “Алиҷон ва хирс” пешкаши тамошобинони наврас гардонида шуд.

Рӯзи 24-уми октябр, соатҳои 10:00 ва 14:00 намоишномаи театри лӯхтаки Қазоқистон “Пӯст ва варзиш” намоиш дода мешавад.

Рӯзи 25-уми октябр хурдтаракон метавонанд намоишномаи “Тойча”-и Театри вилоятии Фарғонаро тамошо кунанд.

Рӯзи 26-уми октябр, соати 11:00 Театри давлатии лӯхтаки Душанбе намоишномаи “Достони Рустам”-ро аз рӯйи “Шоҳнома”-и безаволи Фирдавсӣ ба тамошобинони наврас пешкаш месозад.

Тамошои намоишномаҳо ройгон аст.

Ёдрас мешавем, ки ҷашнвораи байналмилалии “Чодари хаёл” дар ду сол як маротиба баргузор мегардад.