Дар рӯзи ҷашни истиқлолият кушта шудани чор кӯдаки бегуноҳ бо дасти модар ҳодисаи ваҳшатангези гӯшношуниде буд, ки натанҳо сокинони Хатлонзамин, балки тамоми Тоҷикистонро ба ларза овард. Ҳамагон ҳайрон монданд, охир чӣ тавр зан метавонад чор фарзанди хурдсолашро ба қатл расонад?

Кӣ ё чӣ Назокатро маҷбур кард чаҳор пораи ҷонашро, ки бо сад машаққат ба дунё овардаву бо шири сафедаш ба воя расонида буд, бо дастони худ аз ҳаёт маҳрум созад?

Вақти сар задани ин ҳодисаи даҳшатангез падари кӯдакон дар куҷо буд ва чаро пеши роҳи модари фарзандкушро нагирифт?

Дар ҳақиқат кӯдакон бо дасти модарашон кушта шудаанд ё зери коса нимкосае ҳаст?
Ба хотири посух гирифтан ба ин ва дигар саволҳо мо ба ноҳияи Кушониён сафарбар гардидем.