Тақрибан 18 ҳазор донишҷӯёни тоҷикистонӣ дар Русия тариқи буҷавӣ таҳсил мекунанд. Ин нуктаро Сафири Федератсияи Россия дар ҷуҳурии Тоҷикистон Семён Григорев иброз дошт.
Дипломат шумораи умумии донишҷӯёни тоҷикро низ гуфт:
“Айни замон дар муассисаҳои таълимии олии Русия 28 ҳазор намояндагони Тоҷикистон таҳсил мекунанд”, - қайд кард сафир.
Мавриди зикр аст, ки айни ҳол дар доираи барномаи “Муаллими рус дар хориҷа” дар 22 мактаби пойтахт ва дигар шаҳрҳои Тоҷикистон 75 нафар муаллимони забони русӣ аз минтақаҳои гуногуни Русия кор карда истодаанд.
Ин лоиҳа муддати 6 сол боз дар Тоҷикистон амал мекунад ва оилаҳои муаллимони рус бо хобгоҳ таъмин карда шуда, роҳпулиашон пардохта мешавад. Ба муаллимони рус ягон ашёи рӯзгор лозим бошад, дастрас карда мешавад.
