Плаши чармӣ - ин болопӯш дар мавсими тирамоҳ аст, ки онро дар ҳавои боронӣ ва номусоид ба бар мекунанд. Болопӯши чармӣ ҳоло ҳам дар мӯд аст ва тӯли солҳо аз мӯд намераваду ба ҳама намуди либос мувофиқат мекунад.

Имрӯз тарзу тарҳҳои нави болопӯшҳои чармӣ баромадааст, ки шумо дар интихоби болопӯш хато намекунед ва мувофиқи табъи дили худ онро пайдо карда метавонед. Болопӯшҳои чармӣ дар ҳама гуна ҳаво шуморо аз сардӣ нигоҳ медоранд, махсусан барои донишгоҳ рафтан, дар кору офис, сайругашт, вохӯрии корӣ ва суҳбат бо дӯстон дар ҳавои тоза хубу ба тан зебанда аст. Ин навъ болопӯшҳои чармӣ хеле зебову ҷаззобанд, ҳам ба бадан мезебанд ва ҳам гарм нигоҳ медоранд.

Маҳсулоте, ки аз чарми ҳақиқӣ истеҳсол шудааст, ҳамеша серхаридор аст. Ҳамеша дар интихоби либоси чармӣ ба ранги болопӯш, тарзи дӯхт, ороиш, сифати баланди чарм ва сифати матоъ диққати махсус диҳед, ки дар ҳама гуна ҳаво, боду борон мусоидат кунад. Либосҳои чармӣ экологӣ сохта шудаанд, сифати баланд доранд ва шакли худро хуб нигоҳ дошта, муддати дароз сифати худро гум намекунанд, инчунин нигоҳубини онҳо душвор нест.