Дар шаҳри Сочии Федератсияи Русия муовини якуми Раиси Ҳизби халқии демократии Тоҷикистон Маликшо Неъматзода бо тоҷикони муқими шаҳри Сочи вохӯрӣ намуд.

Зимни вохӯрӣ Маликшо Неъматзода оид ба вазъи имрӯзаи иқтисодию иҷтимоӣ ва дастовардҳои даврони Истиқлоли давлатии Тоҷикистон зери роҳбарии Пешвои миллат муҳтарам Эмомалӣ Раҳмон маълумоти муфассал пешниҳод намуд.

Ҳамзамон ҳамватанон даъват карда шуданд, ки дар баробари риояи қонунҳои амалкунандаи кишвари иқомат бо одобу рафтори намунавияшон муаррифгари ватани хеш бошанд.