Дар Донишкадаи давлатии санъати тасвирӣ ва дизайни Тоҷикистон бо кумаки Агентии Туркия оид ба ҳамкорӣ ва ҳамоҳангсозӣ синфхонаи 3D кушода шудааст.
Дар ин бора имрӯз, 5-уми август зимни нишасти матбуотӣ ректори донишкада Ҷӯрахонзода Сироҷиддин Шамсулло иттилоъ дод. Ба қавли ректори донишкада, синфхона бо технологияҳои пешқадам муҷаҳҳаз гардонида шудааст. Донишҷӯён дар ин ҷо шеваи кор бо технологияҳои замонавӣ ва офаридани тарҳҳои ҷолибро бо кумаки зеҳни сунъӣ ва дигар технологияҳои муосир меомӯзанд.
“Бо мусоидати Агентии TİKA як гурӯҳ муттахассисони варзида аз Туркия ба Тоҷикистон омада, тӯли як ҳафта ба устодон ва донишҷӯёни мо доир ба технологияҳои навин машғулиятҳои назариявӣ ва амалӣ гузаронида, шеваи кор бо технологияҳои рақамӣ ва зеҳни сунъиро ба онҳо омӯзониданд”,- зикр намуд Ҷӯрахонзода.
