Баландтарин арчаи солинавии сунъӣ дар ҷаҳон, ки ба Китоби рекордҳои “Гиннес” шомил шудааст, соли 2009 дар хиёбони Пасео-де-ла-Реформаи шаҳри Мехикои Мексика қомат афрохта буд. Диаметри он 35 метр ва баландиаш 110,35 метрро ташкил медод, ки ин ба баландии як бинои 40-ошёна баробар аст.

Бояд қайд кард, ки таърих чунин арчаи баланду ғайриоддиро дар ёд надорад. Ин арчаи азимҷуссаро зиёда аз 200 коргар дар давоми ду моҳ насб карда буданд. Ҳамчунин, арчаи рекордӣ бо бозичаҳои гуногуни металӣ бо вазни умумии 330 тонна ва чароғакҳои ранга бо дарозии умумии 80 ҳазор метр оро дода шуда буд.

Ҳамон сол Пласидо Доминго, овозхони испанӣ дар жанри опера то анҷоми Соли нав дар зери ин арчаи баландтарини ҷаҳон барномаҳои консертии ройгон баргузор карда буд.