Асри хунхортарин
Таърихнигорони Донишгоҳи Ҳарварди Иёлоти Муттаҳидаи Амрико садаи ХХ-ро дар таърихи башарият асри хунхортарин эълом доштанд.
Аз ҷумла, бар асари Ҷанги якуми ҷаҳон (1914 – 1918), тақрибан, 15 миллион нафар ҷон бохтааст. Бино ба маълумоти онҳо, яке аз оқибатҳои ногувори ин Ҷанг хурӯҷи пандемияи зукоми «испанка» мебошад, ки аз он наздики 50 миллион нафар фавтидааст. Дар Ҷанги дуюми ҷаҳон (1939 – 1945) бошад, қариб 59 миллион нафар ҷони худро аз даст медиҳад. Ба ҳамин тариқ, бар асари муноқишаҳои ҳарбӣ ва бемориҳои гуногун, умуман, дар қарни ХХ тахминан 200 миллион нафар ба ҳалокат расидааст.