Муштзани тоҷик Миҷгона Самадова дар Чемпионати ҷаҳон оид ба бокс дар байни занон дар Сербия ғалабаи аввалинашро ба даст овард. Миҷгона тавонист ҳарифаш Палома Диана Переси мексикоиро мағлуб намояд.
Миҷгона Самадова, ки дар вазни 57 кг рақобат мекунад, бо ҳисоби 5:0 ҳарифашро мағлуб намуда, бо қарори якдилонаи доварон ғолиб эълон карда шудааст.
Имрӯз муштзани дигари тоҷик Шоира Зулқайнарова дар вазни 60 кг бо боксёри турк Озер Гизем қувваозмоӣ мекунад. Рақиби якуми Шоира аз ЮАР ба даври дуюм набаромад ва боксёри тоҷик ғолиб эълон карда шуд.
