Агентии мубориза бо фасод аз афзоиши ҷиноятҳои коррупсионӣ дар соҳаи маориф ва тандурустӣ хабар дод
Агентии назорати давлатии молиявӣ ва мубориза бо коррупсияи Ҷумҳурии Тоҷикистон соҳаҳоеро, ки дар онҳо ҷиноятҳои хислати коррупсионӣ дошта бештар ошкор гаштаанд, номбар кард.
Имрӯз, 13-уми феврал зимни нишасти матбуотӣ дар агентӣ қайд карда шуд, ки бештари ҷиноятҳои коррупсионӣ дар ҳукуматҳои маҳаллии шаҳру ноҳияҳои кишвар ва соҳаҳои тандурустӣ, маориф, мудофиа, кишоварзӣ ва Кумитаи идораи замин ошкор шудаанд. Тибқи иттилоъи ин ниҳод, дар ҳукуматҳои маҳаллӣ 235 ҷиноят, дар соҳаи тандурустӣ ва ҳифзи иҷтимоии аҳолӣ 159, маориф ва илм 116, Кумитаи давлатии идораи замин 91 ва соҳаи кишоварзӣ 24 ҷинояти хислати коррупсионӣ дошта ошкор карда шудааст.
