Анварбӣ Асадуллоева зодаи шаҳри Кӯлоб буда, шавҳару фарзанд ва хонаву дар надорад.
Ин зани танҳо ба хотири табобати модари нобинояш пули зиёдеро қарз гирифта, баъди ҷарроҳӣ кардани чашмони модараш барои кандани қарз ба шаҳри Маскав ба муҳоҷирати меҳнатӣ рафтааст, вале ба доми фиреб гирифтор шудааст.
Ба қавли худаш дар он ҷо вай ба ғуломии меҳнатӣ афтида, бар асари лату кӯби зиёд бемор шудааст.
Ин зан 2 сол қабл тариқи скайп аз Русия ба сомонаи Оила. ТҶ муроҷиат намуда буд.
Ба хотири таъмини амнияти Анварбӣ мо аз нашри сарнавишти талхи ӯ худдорӣ намуда, навори суҳбатро ба мақомоти марбута равон кардем ва ҳамин тавр бо кӯмаки мақомот Анварбӣ зиндаву саломат ба Ватан баргашт, аммо...
Бо сабаби ранҷҳои дар Маскав кашидааш вай ба гирдоби беморӣ афтида, маҷбур шудааст, ки дубора ба сомонаи Оила.ТҶ муроҷиат намояд.
Шахсоне, ки ба ин зан кӯмак кардан мехоҳанд, ба рақамҳои 939-11-11-69 занг зананд. Рақам бо корти Душанбе-сити пайваст аст.
