Дар рӯзҳои таҷлили Наврӯзи байналмилалӣ (аз 21 то 24-уми март) танҳо як рӯз - 21-уми март барқ бе маҳдудият таъмин хоҳад гардид.
Сухангӯи ширкати “Барқи тоҷик” Қурбон Аҳмадзод гуфтааст, ки сатҳи об дар обанбори Норак ҳанӯз ба ҳадди кофӣ нарасидааст ва аз ин сабаб дар рӯзҳои дигари ҷашн реҷаи маҳдудияти интиқоли неруи барқ боқӣ мемонад.
Бояд гуфт, ки айни замон тибқи ҷадвали мавҷуда сокинон шабонарӯзӣ танҳо ду марҳила барқ мегиранд: субҳ аз соати 3:30 то 7:30 ва шом аз 17:00 то 21:30.
