Зафаробод нақшаи даъвати аскариро иҷро кард

Ноҳияи Зафаробод 28 октябр нақшаи даъвати тирамоҳии шаҳрвандон ба хизмати ҳарбиро пеш аз муҳлат иҷро кард. Дар ин бора мақомоти иҷроияи ҳокимияти давлатии ноҳия хабар медиҳад.

Ба иттилои манбаъ, дар ташкили маъракаи даъват мақомоти маҳаллӣ, комиссариати ҳарбӣ ва масъулони соҳа иштирок кардаанд. Ҳамчунин, бо ҷавонон ва волидони онҳо корҳои фаҳмондадиҳӣ гузаронида шудаанд.

Даъвати тирамоҳӣ ба хизмати ҳарбӣ дар Тоҷикистон аз 1 октябр оғоз шуда, то 30 ноябр идома меёбад. Тибқи фармони Президенти кишвар, шаҳрвандони солҳои таваллуди 1999–2008 ба хизмати ҳарбӣ даъват мешаванд.