Аз чӣ гуна будани ҳолати пӯсти инсон вазъи саломатияшро фаҳмидан мумкин аст. Вақте инсон бемор бошад, пӯсти рӯяш низ пажмурдаву зард мегардад.
Кӯшиш намоед, ки шабона аз хоб сер шавед. Ғизои солим истеъмол карда, оби зиёд нӯшед. Барои солимии бештар мултивитамин истеъмол кунед.
Ҳар ҳафта рӯзи якшанбе ба пӯсти рӯйи худ ниқоб молед, рӯзҳои сешанбеву панҷшанбе бошад, аз скраб истифода баред. Малҳами аз офтоб ҳифзкунандаро фаромӯш насозед! Ҳатто дар фасли тирамоҳ низ малҳами аз офтоб ҳифзкунандаро ба пӯсти рӯй молед.
Ягона чизеро, ки бояд ба инобат гиред, малҳами аз офтоб ҳифзкунандаи тирамоҳӣ набояд мисли малҳами тобистона сабук бошад.
