Arzon march 2024
ҲУШДОР: БА ТОҶИКИСТОН ТӮФОНИ ЧАНГ ҲУҶУМ МЕКУНАД
9148


Ҳавошиносони тоҷик аз ҳуҷуми тӯфони чанг ба Тоҷикистон хабар медиҳанд.
Чанд рӯз паи ҳам ба Тоҷикистон тӯфони чанг ҳуҷум мекунад,-хабар медиҳад хадамоти матбуотии Ожонси ҳавошиносии кишвар.

Интизор меравад, ки аллакай қисмати дуюми рӯзи 9-сентябр дар шимолу ҷануби вилояти Хатлон боди сахт вазида, чангу ғубор ба амал меояд.
Наздики рӯзҳои истироҳат 10-11 сентябр дар шаҳрҳои Бохтар, Кӯлоб, Норак ва ҳамчунин ноҳияҳои Данғара, Ёвон, Восеъ, Панҷ, Фархор, Дӯстӣ ҳаво номусоид мешавад.

Чангу ғубор, ки аз тарафи ҷанубу ғарб ба кишвар ворид мешавад, ба ноҳияҳои тобеи марказ ва шаҳрҳо низ ҳуҷум мекунад. Дар Душанбе, Ваҳдат, Ҳисор, Турсунзода ноҳияи Рӯдакӣ низ ҳаво ғуборолуд мешавад. Ҳавошиносон ҳушдор медиҳанд, ки дар ин рӯзҳо мардум бояд худро эҳтиёт кунанд ва тавсия медиҳад, ки сайёҳату сайру гаштро камтар кунанд. Онҳое, ки дар сохтмон ва заминҳо кор мекунанд, бояд эҳтиёткор бошанд. Чунин ҳаво ба саломатии инсон зарар дорад, махсусан ба кӯдакон, пиронсолон, занони ҳомила ва онҳое, ки аз бемориҳои роҳи нафас танқисӣ мекашанду маризии қалб доранд.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД