Ҷои пӯшида нест, ки бо тариқи шабакаҳои иҷтимоӣ табрик кардани рӯзи ҷумъа ба ҳукми анъана даромадааст. Бештари одамон мегӯянд, ки ин хурофот аст ва чунин табрик кардан дар дини мубини ислом роиҷ нест.

Вале гурӯҳи дигар мегӯянд, ки муборак гуфтан ягон монеагӣ надорад. Фаҳмидан мехостам, ки оё дар рӯзи ҷумъа гуфтани ибораи “ҷумъа муборак” дуруст аст?

Саидвалӣ, ш. Кӯлоб

Посухи намояндаи РАёсати Фатвои Ҷт

Бародари азиз, дар рўзи ҷумъа табрик кардани касе аз нигоҳи шариат амри мубоҳ аст ва монеъе надорад, чунки он маънои дуоро дорад, аслан рўзи ҷумъа муборак аст ва хуб аст, ки гўяд бо баракат бошад.