Ҳамал (21 март-20 апрел)
Зимни робитаҳо ё ҳангоми муносибат бо наздиконатон мушкилӣ сар мезанад. Шиносоиҳои нав боиси дилмондагӣ ва хастагиятон мегардад. Баъзеҳо бо ҳамкорон ва ҳатто бо дӯстдоштаи худ муноқиша мекунанд. Оромиро нигоҳ дошта, ба коре, ки боиси душвор гаштани вазъият мегардад, даст назанед.
Савр (21 апрел-22 май)
Нақшаҳоятон ба шарте амалӣ мешаванд, ки ноаён амал намуда, ба касе дарди дил накунед. Дар ҷодаи касбӣ бо яке аз ҳамкорон муноқиша карда, аз кори иҷрокардаатон қаноатманд намегардед. Камқувватӣ, табъи нохуш ва руҳафтодагӣ имкон дорад. Мардҳо ба муносибатҳои ошиқонае роҳ дода метавонанд, ки ба ғайр аз пушаймонӣ дигар чизе ба даст намеоранд.
Ҷавзо (23 май-21 июн)
Сабру таҳаммул ва кордонии шумо боиси дастгирии роҳбарият ё кӯмаки сарпарастон мегардад. Яку якбора нохуш шудани табъ ва руҳафтодагӣ сади роҳи пешравиҳоятон мегардад. Дар ин рӯз бо худтабобаткунӣ машғул шуданро тавсия намедиҳем. Бегоҳирӯзиро бо аҳли оила гузаронед.
Саратон (22 июн-22 июл)
Рӯзи хатарнок аст. Ҳодисаҳои моҷароомез, беморӣ ва ҷароҳат бардоштанатон эҳтимол дорад. Баъзеҳо аз хешу ақрабое, ки кайҳо боз надидаанд, хабар мешунаванд. Аз харидани чизҳои даркорӣ худдорӣ намоед, зеро харидатон бебарор мешавад. Агар имкон дошта бошед, рӯзро бо наздикон гузаронед.
Асад (23 июл-23 август)
Барои мардҳо рӯзи серташвиш аст. Вазъи саломатиятон яку якбора бад шуда, эҳтимоли ҷароҳат бардоштанатон вуҷуд дорад. Дар ин рӯз дар танҳоӣ сайругашт накунед, инчунин аз роҳгардии босуръат худдорӣ намоед. Дар ҳаёти бонувон душвориҳо пеш меоянд. Кӯшиш кунед, ки танқиди атрофиёнро ба дил наздик қабул накунед.
Сунбула (24 август-23 сентябр)
Ҳодисаҳои ногаҳонӣ боиси вайрон гаштани муносибати шумо бо ҳамкорон ва дӯстон мегардад. Дар ин рӯз аз пештара дида, босабртар бошед. Мушкилиҳои молиявӣ табъатонро хира месозанд. Ба наздикони худ маслиҳат надиҳед, ба ҳаёти касе дахолат накунед. Қарз нагиред ва хариди калон накунед.
Мизон (24 сентябр-23 октябр)
Рӯзи ноором аст, мушкилиҳои ҷиддӣ аз қабили рехтани обрӯву нуфуз, ҳисороти молиявӣ, бемориҳои ҷиддӣ имкон доранд. Сабру таҳаммул ва заҳматписандиятонро атрофиён хуб қабул мекунанд ё нафаре кӯмак мерасонад. Дар ин рӯз машрубот ва хӯроки равғанин истеъмол накунед.
Ақраб (24 октябр-22 ноябр)
Вақте расидааст, ки аз дунёи хаёлоти худ берун шуда, ба зиндагӣ бо чашми ақл назар намоед. Танҳо дар ҳамин сурат ҳодисаҳое, ки дар атрофатон рух медиҳад, хубтар дарк мекунед. Нисбати шахси дӯстдоштаатон дар дил кинаву адоват нагиред. Нишонаҳои бемориеро, ки нав пайдо мешавад, беэътибор нагузоред.
Қавс (23 ноябр-21 декабр)
Барои робитаву гуфтушунидҳои корӣ рӯзи мусоид нест. Сабру таҳамул ва заҳматписандиятон мушкилиҳои рӯзро кам месозанд, вале ба дастгирии роҳбарият ё кӯмаки нафаре умед набандед. Яку якбора иваз шудани табъу ҳолати руҳиятон сади роҳи пешравӣ мегардад.
Ҷаддӣ (22 декабр-20 январ)
Дар ин рӯз аз пештара бештар ботаҳаммул бошед. Танҳо дар ҳамин ҳолат вазъияти бамаломадаро рафъ карда метавонед. Эҳтимоли каме нотоб шуданатон вуҷуд дорад. Меҳнати вазнини ҷисмонӣ тавсия дода намешавад. Танҳо дар иҳотаи дӯстону наздикон худро роҳат эҳсос мекунед.
Далв (21 январ-20 феврал)
Рӯзи пурзаҳмати муқаррарӣ аст. Заҳмати кашидаатон натиҷаи хуб медиҳад. Ҳатто мушкилиҳои пайдошуда табъи шуморо нохуш намегардонанд. Диққати худро ба ҳодисаҳои ҷиддӣ равона созед, ба ташвишу хавотирии атрофиёнатон диққат надиҳед. Баъди нисфирӯзӣ ҳодисаҳои ногаҳонӣ, вале гуворо имкон доранд.
Ҳут (21 феврал-20 март)
Аз пешниҳоди хуби корӣ рӯ нагардонед, мушкилиҳое, ки сади роҳатон гаштаанд, ба зудӣ рафъ мегарданд. Боисрор ва боақлона рафтор намоед. Дарди сар ва бемадорӣ аз шамол хӯрданатон дарак медиҳад. Бегоҳирӯзиро ҳатман бо дӯстону наздикон гузаронед.
