Имрӯз, 22-юми сентябр дар Тоҷикистон Рӯзи Рӯдакӣ ҷашн гирифта мешавад. Бахшида ба ин сана дар саросари кишвар чорабиниҳои фарҳангӣ, шеърхонӣ ва маҳфилҳои адабӣ баргузор мегарданд.
Абуабдуллоҳи Рӯдакӣ яке аз шоирони бузурги сарзамини Шарқ ва асосгузори адабиёти классикии тоҷику форс буда, бо тахаллуси Одамушшуаро низ машҳур мебошад. Рӯдакӣ дар замони давлати Сомониён зиндагӣ карда, на танҳо шоири забардаст, балки мутриб, мусиқишинос ва сарояндаи машҳур низ будааст.
Халқи тоҷик хотираи неки устод Абуабдуллоҳи Рӯдакиро ҳамеша гиромӣ медоранд. Соли 2008 бахшида ба 1150-солагии Рӯдакӣ дар Тоҷикистон чандин чорабиниҳои фарҳангии муҳим доир гашта буданд.
