Мақомоти тоҷик мегӯянд, ки баъд аз ҷорӣ шудани ҷазои ҷиноятӣ барои истифодаи ғайриқонунии барқ талафоти нерӯи барқ кам шудааст.
Барои дуздӣ ё истифодаи ғайриқонунии нерӯи барқ имсол дар Тоҷикистон аз 27 ҳазор сомонӣ ҷарима то 10 сол зиндонро пешбинӣ карданд.
Бино ба иттилои ниҳоди навтаъсиси Оҷонсии назорати давлатии энергетикӣ, дар 9 моҳи соли равон сарфи беҳудаи нерӯи барқ қариб се дарсад коҳиш ёфтааст.
Кормандони ин ниҳод якҷоя бо Додситонии шаҳри Душанбе рӯзи 11-уми ноябр дар хиёбонҳои шаҳр ҳамчунин ба сокинон тарзи истифодаи сарфакоронаи нерӯи барқро фаҳмонида, аз онҳо даъват кардаанд, ки барқро беҳуда истифода набаранд.
