Дар асоси муроҷиати сокинон, нисбати шаҳрванд Аҳтамов Билол, соли таваллудаш 1995, ки бо ҳамсараш ҷанҷол кардааст, чораҳои қонунӣ андешида шудаанд.

Бино ба иттилои РВКД дар шаҳри Душанбе, зимни санҷиш муайян гардидааст, ки номбурда дар кӯчаи Н. Махсум истиқомат намуда, шабона бо ҳамсараш дар дохили манзили истиқоматӣ бо бардоштани доду фиғон оромию осудагии ҳамсоягонро халалдор намудааст.

Нисбати номбурда мутобиқи талаботи моддаи 462 КҲМ Ҷумҳурии Тоҷикистон протоколи маъмурӣ тартиб дода шуда, ба андозаи 3 нишондиҳанда барои ҳисобҳо, баробар ба 234 сомонӣ ҷарима таъин гардидааст.

Аз шаҳрвандон хоҳиш карда шудааст, ки нисбат ба дигарон эҳтиром гузошта, оромию осудагии ҷомеаро халалдор насозанд.