Arzon Navruz
САВРОНБӢ ҒАФУРҶОНРО ДАР ҶОЙГАҲИ ХОБ БА ҚАТЛ РАСОНД
1573

Вазорати умури дохилии Тоҷикистон Савронбии Файзуллои 27 соларо бо иттиҳоми куштори маъшуқаш боздошт кардааст.

Тибқи иттилои дафтари матбуотии ин ниҳод, ҳодисаи куштор санаи 11 марти соли ҷорӣ сар задааст.

Ба иттилои манбаъ, бо ворид шудани хабари телефонӣ ба ШВКД дар ноҳияи Ҳамадонӣ аз Беморхонаи марказии ноҳияи мазкур оид ба ҷароҳатҳои буррандаву халанда ба ҳалокат расидани сокини ҳамин ноҳия Талабов Ғафурҷони 22-сола аз ҷониби кормандони милитсия гурӯҳи оперативӣ-ҷустуҷӯӣ таъсис дода шудааст.
Манбаъ мегӯяд, гумонбари ин ҷинояти сангин дар як муддати кутоҳ дастгир карда шуд.

"Савронбии Файзулло, соли таваллудаш 1993, ки бо марҳум Талабов Ғафурҷон пештар ошноӣ пайдо кардаву бо ҳам муносибатҳои ошиқона доштаанд, дар пайи як муноқишаи байнашон ба вуқӯъ пайваста, дар хонаи истиқоматияш ду маротиба бо корди хоҷагӣ ба қисмати қафаси синаи марҳум мезанад, ки дар натиҷа охирон аз зарбаҳои гирифтааш, дар ҷои ҳодиса ба ҳалокат мерасад”,- афзудааст манбаъ.

ВУД мегӯяд, прокуратураи ноҳияи Ҳамадонӣ нисбати Савронбии Файзулло бо моддаи 104 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.

Феълан назари бевоситаи худи айбдоршаванда ё ҷониби ҳимояаш дар бораи ин қазия маълум нест.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД