Дар бораи дарозумр будани сангпуштҳо бисёр дидаву шунидаем, вале то синни 190-солагӣ расидани як сангпушт ва ҷонвараки пиртарин дар дунё эътироф гардиданаш ҳодисаи бисёр ҷолиб аст.

Ин ҷонвар бо лақаби Ҷонатан дар ҷазираи Еленаи муқаддас аз соли 1882 умр ба сар мебарад. Қабл аз Ҷонатан боз як сангпуште, ки 188 сол умр дидааст, соли 1965 фавтида буд. Тавре ҳукуматдорони ҷазираи мазкур хабар медиҳанд, Ҷонатан нобино шуда, бӯйро эҳсос намекунад, вале иштиҳои хуб дорад. Ветеринар Ҷо Холлинз мегӯяд, ки Ҷонатан чун пештара фаъол аст, ҳатто бо дигар сангпуштони азимҷусса алоқаи ҷинсӣ мекунад.