Домуллои муҳтарам. Мехостам фаҳмам, ки бо кадом роҳ аз сеҳру ҷоду халос шудан мумкин аст, то ки дигар таъсир накунад?

Зариф, н. Вахш

Посухи Ҷамолиддин Хомӯшӣ, Сардори Раёсати фатвои ҶТ

Бародари азиз, барои муолиҷаи шахси ҷодушуда ва эмин мондан аз таъсири он сураҳои зайл хонда мешавад: Сураи “Фотиҳа”, “Оятул-Курсӣ”, сураҳои “Ёсин”, “Ториқ”, “Шарҳ”, “Кофирун”, “Ихлос”, “Фалақ” ва “Нос”. Инчунин, бо сидқу ихлоси комил нўшидани оби Замзам сабаби раҳоӣ ва эмин мондан аз ҳар навъ сеҳру ҷоду аст.