Аз 10 то 14-уми ноябри соли ҷорӣ дар шаҳри Душанбе Фестивали байналмилалии “Рақс моро муттаҳид менамояд” баргузор мегардад.
Вобаста ба ин дар Вазорати фарҳанг бо иштироки вазири фарҳанги Ҷумҳурии Тоҷикистон Сатториён Матлубахон Амонзода ҷаласаи корӣ доир гардидааст.
Бино ба иттилои дафтари матбуоти Вазорати фарҳанг, дар ҷаласа ҷараёни омодагиҳо оид ба баргузории Фестивали байналмилалии “Рақс моро муттаҳид менамояд” мубодилаи афкор сурат гирифтааст.
Гуфта мешавад, ки фестивали мазкур аз 10 то 14-уми ноябр дар шаҳри Душанбе бо иштироки ансамблҳои рақсии кишварҳои Қазоқистон, Узбекистон, Туркманистон, Молдова ва Федератсияи Россия баргузор мегардад.
