Хонандагони муассисаҳои таълимии шаҳри Бохтар дар Олимпиадаи байналмилалии "Brainiacs Olimpiad 2025" дар Малайзия ба дастовардҳои бузург ноил гардидаанд.
Бино ба иттилои дафтари матбуоти шуъбаи маорифи шаҳри Бохтар, хонандагон дар олимпиада иштироки фаъолона намуда, сазовори 5 ҷойи сеюм ва 5 ҷойи ифтихорӣ гардидаанд.
- Дастоварди мазкур баёнгари таваҷҷуҳи бештари хонандагони муассисаҳои таълимии шаҳри Бохтар ба фанҳои табиӣ-риёзӣ буда, заминаи хубе барои иштироки хонандагон дар олимпиадаҳои сатҳи ҷаҳонӣ мебошад,- меафзояд манбаъ.
