Имрӯз, 14-уми июл бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маросими тантанавии ифтитоҳи бинои нави Вазорати адлия баргузор гашт.
Бинои мазкур дар ноҳияи Исмоили Сомонии пойтахт, дар ҷойи чойхонаи “Роҳат” дар паҳлуи бинои Ҳукумати кишвар сохта шудааст.
Тибқи иттилои дафтари матбуоти Президенти кишвар, бинои нави Вазорати адлия аз ду қисмат иборат буда, бо таҷҳизоти муосири техникӣ ва фанновариҳои рақамӣ таъмин гаштааст. Гуфта мешавад, ки зерсохторҳои Вазорати адлия низ дар бинои нав ҷойгир шудаанд.
