Хоҳарам бо як рафиқам дӯстӣ дошт. Ҳарчанд онҳо ноболиғанд, аммо ошиқи шайдоянд ва баъзан дар набудани ман ба хонаи ҳамдигар рафтуо доранд. Оё барои муносибати ошиқона бо ноболиғ рафиқамро ба ҷавобгарӣ кашида метавонам?

Сорбон, ш. Турсунзода

Вобаста ба муносибати ошиқона бо ноболиғ дар Кодекси ҷиноятии Ҷумҳурии Тоҷикистон ягон меъёр пешбинӣ нашудааст.

Аз матни савол маълум нест, ки рафиқи шумо ва хоҳаратон чандсола ҳастанд, агар хоҳаратон ҳанӯз ба синни 16-солагӣ нарасида бошаду рафиқатон аз 16-сола боло бошад ва кирдораш хусусиятҳои шаҳвонӣ дошта бошад, новобаста аз розигии тарафҳо тибқи талаботи моддаи 142 кодекси ҷиноятии Ҷумҳурии Тоҷикистон ба ҷавобгари ҷиноятӣ кашида мешавад.